Siring man sigun sa pigsabi ko na dae man nin sikreto an pagluto kan sinukmani na maluto. Uni tabi so mga steps na aram ko
1. Mag bakal nin sarong basong bagas....dae tabi pag utangon ta kahirak man kan tindahan. surusunghiton so bagas ta kon NFA yan iba an amoy.
2. Magsukdol nin sarong niyog na matua na.....dae tabi pag ikiton so niyog kan kapit-bahay.
3. Hugasan so bagas, kudkudon so nyog, pugaon (first blood), pugaon otro (second blood)
4. Hugasan an kaldero, kon mauringon mag gamit nin gloves (bako tabi so Gloves ni Manny pakyaw) nganing dae mauringan so Pedikyur.
5. ikaag so bagas sa kaldero, ikaag ang first blood asin second blood kan coconut milk
6. Uni na so sikreto.....dai paglingawan so rule of the middle Finger dapat so coconut milk mo ay hanggang sa ika duwang guhit kan middle finger mo lang.
7. Magkaag ki diit na asin. 1/2 table spoon lang. Rock Salt tabi bakong Iodize Salt ini na so pang duwang sekrito kaiyan....so mauurag tabi na Chef sa mundo dae naggagamit nin Iodize salt sa pigluluto ninda. Kun nyata....dai ko sasabihon ta secret iyan.
8. Isaksak so Electrik cooker. Siguraduhon na igwang kuryente o dae brown-out. ta kun dae hilaw yan. Sigurado.
9. Halaton na kumalaga-kaga so sinapna. Pag kumilaga-kaga na, magkua nin sandok (Note: dae tabi pagkamoton ta mapaso an kamulmog mo kaan) Bukagon Kun sa hiling mo dakulon pa so liquid (ta igwang mga variety nin bagas na dai makitubig) magkua nin baso...kuahon so ibang liquid ibugtak sa baso....asukaran .... Yan Am tabi so apod kaiyan.....pero kon gusto mo
mag experemento....palipoton mo muna dangan ibugtak mo sa buhok mo....yan igwa ka ng libring hot oil.
10. Halat-halaton na mag ibaporate so ibang liquid....pag nag sink-in na takpan ulit so kaldero.
11. Hinaan so Electric cooker....up to the lowest point na dai man magadan so kalayo.
12. Mag pogkot nin sarong sigarilyo..... asin saro pa (ini kun smoker ka) pero kon dae mag patugtog ka na lang nin CD ni April Boy Regino....mga apat na kanta pagbalik mo sa kaldero...On-On na so sinukmani mo.
Note: Pag iyan nahilaw pa siring kan pigsasabi ko.....magsuspitsa ka na kan so pigbakal mong bagas....peke ito. hehehe chuz!
Walang komento:
Mag-post ng isang Komento