"SISIG ala KURA"MOS" iba tabi ini sa usual na sisig.

"SISIG ala KURA"MOS" iba tabi ini sa usual na sisig.

Ingredientes

1 head of lechon(payo kan lechon),3 large onions (minced),4 cloves garlic(minced),1 minced ginger(kasindakula kan tamuldo sa bitis),2 table spoon freshly ground black pepper(paminta),margarine or butter.mayonaisse(optional ),egg,(for garnishing)2 table spoon salt(amount of salt may vary,paki lasahan na sana tabi kun ano gusto nindo na timplada),1/4 cup worcestershire sauce (ay,nagkamuruhit na ako) kalamansi or lemon(para duman tabi sa mga mayu sa pinas)

procedure

ubakan tabi su payo kan lechon,su sagad to the bones baga.urulwaton pati su mata.tiri-okon tanganing mailuwas su dila.pag nakha na gabos na laman sagkud kublit,pati na an talinga,baakon su payo para makua su alimantak kan orig(piliun tabi su high I.Q. na orig tanganing dakula an utak).tadtadon nin pino su laman asin kublit,pati naman su lalawgon,dila asin utak kan orig.su sadit sanang diit sa kandingga an pagkaka-tadtad.

isaralak su mga nasambit na ingredientes apuera kang mayonaisse,butter/ margarine & egg.tanganing makarkulo an asgad,dae muna tabi pag-ubusun ikaag an asin. tikman muna bago mag-desisyon kung pira an ikakaag.saralakon tabi ning puerte su gabos na ingredientes.mas maray kung kamot ang gamiton sa paghalo.dae sana tabi makalingaw na mag hugas nin kamot asin bitis por aber mag-kamlo.

pag nasaralak na,pabayaan muna ning mga 30-45 minutos. bago iluto.

ihanda na tabi su sizzling plate(kung mayu sizzling plate,puede man su ordinaryo na kawali...PERO mas masiram kung sa sizzling plate iluto ta mala-ngani sizzling sisig an pangaran kang putaheng ini.

ipatong sa kalan su sizzling plate,pag mainit na,magkaag nin 1 kutsara na,butter/margarine.dae tabi paka haluyon ta matutong su butter.ikaag na su sisig sa sizzling plate,iluto nin mga 3 mins.kung gusto nindong mas maragsip,gibuhon na ning 4 mins.hilingon tabi na marhay an kalayo,dapat dae matutong ta pakulon ko kamo ki poldos,nya!.i-halo-halo habang niluluto.ikaag an sarong kutsara na mayonaisse,dangan ihalo man.pag-sa hileng nindo luto na.i-haon na an sizzling plate.dae tabi pagkapotan su bakal ta magiging sizzling hand an kamlo nindo.

ikaag na sa lamesa dangan pasaan nin sarong sugok o duwa.ikaagan man nin lemonsito o lemon para mas maseram.mas ka puerte kung igwa nin sili o kung ano man na hot sauce.kaunon tabi ini habang bagong luto pa.makapagal sana man ta dae mo pwede sarabayon an pag luto.atado por atado an pag-luto ta dae man husto sa sarong sizzling plate sana.

OOOOPPPPS.Dae tabi pag lingawan an malipot na serbesa bago mag-KARAONAN PORTION!!!!!!!!