"Pyerdi Gana"

Dear sakuyang da'ting agom Burisngak,

Nag surat ako simo para ipaaram na hihiwalayan taka na, forever. Naging maray akong agom sa pitong taon (years) na pag iba-iba ta, tapos mayu akong nahihiling na maraot na masasabi mo tungkol sako. Sa naka aging duwang semana, garo man sana ko nasa impierno ta dae mo ako pigi-intindi.

Nag apod su saimong amo, sinabihan akong nag resign ka na sanang bigla sa trabaho mo ngunyan na aldaw, na isip mo man lamang kutana na dakul an babayadan na utang sa katapusan nin bulan

Kan sarong aldaw, dae mo man lamang nariparo na ba'go akong gupit/tosar nin buhok (hair). Nilutuan ta ka pa kan su paborito mong adobadong karneng orig. Tapos, nag su'lot ako ning kalson na bag-ong bakal. Aw, pakatapos mong lumamon nagturog ka tolos pakatapos mong mag maala-ala mo kaya. Habo mo nang mag-sex o karinyo lamang na mag papatunay na kita mag-agom. Duda ko, piga daya mo na an satong pagka mino-otan o ugwa ka segurong kabit.

Kun ano (whatever) man yan pigsiringan mo, pag abot mo sa harong,mayu na ako. Dae ko na matios an dalagan kan buhay tang duwa. Tapos na sato an gabos.

An simong da'ting agom,
Galuak

P.S. Di mo na ako pag hanapon pa. habang piga basa mo ining surat ko, harayo na kami kaining tugang mong c Tiriray.


Dear Ex-husband Galuak,

Namondo ako kaning surat mo.iyu, ika sagkud ako, ikinasal pitong taon na an naka'gi. Marai ka man kuntang tao. Aram mo, kaya segi ko panood (watch/see) maala-ala mo kaya, para masapawan sa pan-dongog ko an oro-aldaw mong pag agrangay (whinings), na ba'ga ka na na'dat'ulan nin kabaong. Segi pa an ka popotak mo, maski yaun na kita sa pagkakan, baga ka na manok na naglulomlom. Mayung kataposan an simong pag litanya nin mayu man na mga kwentang bagay.

Ta tinukduan ako kan samuyang ina kan nabubuhay (alive) pa, na kun mayu man sana ako masasabing marai sa kapwa ko, lalo na sa kaibanan ko sa harong (home), dae na lang daw ako mag-ribok, kaya, dae ako naga para-ribok maski pa sibot-sibot kang diwal-diwal kan simong dila.

Ay sus ko Galuak, kan nag luto ka nin c adobadong karneng orig, na pagkamalan mo ako si Tiriray, ta limang taon na baga ako dae nagkakakan nin karneng orig. Si Tiriray baga an ka paslo (voracious appetite) sa karneng orig, mala pati su pig lutuan, ginurusagos pa (jumble) niya su saiyang maluto (boiled rice).

Kikulibat (attention calling) mo ako kaitong ba'go mong kalson selyong deauna. Nag talikod na sana ako, ta ugwa pa TAG na P49.50, ta sa pagmati ko c tiriray a nagbakal kaito ta nagsubli sako nin singkwenta pesos, c sarong aldaw ta ugwa kuno siya babakalon.

Ika ngani dapat an mag siro-siro (cajole) kan pag paratuyaw mo sako, pero, dae ka na nagpopondo (stop) mag para ngalab-ngalab oro aldaw. Alagad, ta pinakasalan mo ako, mahal taka man giraray, kaya ngani, nag aasa (hope) ako, na ba'ad lamang magbag'o an duros o baling kan dalagan kan satuyang pag iba-iba (relationship). Kaya, kan nang-gana ako kasubago nin jackpot sa power lotto na kuatro milyones pesos, nag resign tolos ako sa trabaho. Mayu ako pakialam sa pigsasabi ni Mr, Paynante ta pirmi man ngani delayed an pa sueldo niya. dae ako nag text simo ta gusto takang masorpresa... kaya dalagan tolos ako duman sa Philippine Airlines, nag bakal derecho nin tickets para sato na duwa na byahe pasiring sa Manila tanganing mag ibanan kitang mamakal nin five or ten-doors apartment, ipa-arkila ta, para ugwa kita pang sustenar kada bulan bulan, habang nag pa siram siram kita sa probinsya. Mayu man kita akos/aki, kaya, solo ta nang-gayud su ginanahan ko sa power lotto.

Ngunyan mayu ka na.

Ining surat mo, a pag papatotoo na mayu ka na sako mahahabol pa, ta ika mismo an nag putol kaning relayson ta bilang mag agom. Tinabag mo pa si Tiriray.

Ta nahiling ko igdi c Gorio sa dakulang bentanang salamin kan pang alas syeteng byahe kan Philtranco ngunyan na aga, nag-dalidali ako ipadara ining simbag ko, tanganeng ma itao saimo ni Gorio, sayang ta dedeliver su ba'gong Prado binakal kong pang regalo kutana simo, epa-test drive ko kay kua Gakbi, mag libot-libot lamang sa bagasbas,tapos kunta, mag kakan kita nin todo-todo diyan sa golden palace, mag overnight sa suite diyan sa wiltan Hotel, para kunta dae kita ma late sa pag sakay sa eroplano pagkabanggi..oh mala?

An simong da'ting agom,
Burisngak

P.S. aw palan, dae ko saimo nasabi, ta sikreto ngani mi yan ni Tiriray, na ka tago-tago na nag pa opera siya kan saiyang dara-rara, tinostosan su saiyang operasyon kadtong kabaklan nin c daga na namana man nya sa magurang nya. Bago sinda na'otsan (died), winalat ninda yan sako si Tiriray. Kaya ngani, an trato ko dyan kay Tiriray, ba'ga ko man sana tugang. Mala, saro siya sa mga bridesmaid nong kita ikinasal..... dae mo seguro naririparo na dae naga mens/regla si Tiriray sa edad nyang treinta etres. Tirocho Pacumbaba an tunay na pangaran kayan ni tiriray. Good luck na sana simo Galuak.

Sana maku-a mo su pighahanap mo.

(pait na maray dudoy) nyahahah..chuz!